Benjamin Mendy, leikmaður Manchester City, átti góðan leik fyrir liðið í dag í 2-0 sigri á Arsenal á Emirates.
Mendy er afar litríkur karakter en hann er mjög virkur á samskiptamiðlum og elskar að fá fólk til að hlæja.
Pep Guardiola, stjóri City, er ekki jafn mikill aðdáandi samskiptamiðla og vonar að Mendy fari að róa sig aðeins á netinu.
,,Mendy er eins og Mendy er. Stundum viljum við drepa hann en stundum hugsum við ‘vá, þvílíkur leikmaður sem við erum með.’ sagði Guardiola.
,,Hann þarf að bæta sig í mörgu og vonandi getum við sannfært hann um að gleyma samskiptamiðlunum aðeins.“