Claude Puel, stjóri Leicester City, er talinn einn sá allra líklegasti til að fá sparkið á næstu vikum.
Leicester byrjaði tímabilið á 2-1 tapi gegn Manchester United á föstudag en leikið var á Old Trafford.
Samkvæmt enskum miðlum mun Puel fá tvo leiki tilað bjarga starfinu en gæti annars verið rekinn.
Samkvæmt fréttum eru tveir sem koma til greina til að taka við af Puel, þeir Thierry Henry og Roberto Martinez.
Martinez og Henry þekkja hvorn annan afar vel en þeir vinna saman hjá belgíska landsliðinu.
Martinez er aðalþjálfari Belga og var á vellinum er Leicester tapaði gegn United.
Henry hefur verið aðstoðarmaður Martinez hjá landsliðinu en hann hefur gefið það út að hann hafi áhuga á að taka við liði.