Ólafur Ingi Skúlason er mættur aftur heim en hann spilaði sinn fyrsta leik fyrir Fylki í sumar í kvöld.

Fylkismenn gerðu vel í fyrsta leik Óla en liðið náði í stig gegn Íslandsmeisturum Vals.

,,Í ljósi undanfarna leikja hjá okkur var mikilvægt að ná í punkt og halda hreinu sérstaklega,“ sagði Ólafur.

,,Baráttan og viljinn var til fyrirmyndar í dag, við eigum og þurfum að vinna í mörgum hlutum, sérstaklega þegar við erum með boltann.“

,,Það er kannski eðlilegt miðað við formið undanfarna fimm leiki þannig þetta er eitthvað til að byggja á.“

,,Ég hef beðið eftir þessu í svolítinn tíma og hef verið í smá fríi með fjölskyldunni sem við áttum inni eftir tveggja ára fjarveru.“

,,Ég er bara mjög glaður með að vera kominn til baka en er svolítið þreyttur eftir þetta.“

Nánar er rætt við Óla hér fyrir neðan.