Sigurbjörn Hreiðarsson, aðstoðarþjálfari Vals, hrósaði Fylkismönnum í kvöld eftir markalaust jafntefli liðanna í Egilshöll.
Valsmenn náðu ekki að koma boltanum í netið gegn Fylki en þeir vörðust afar vel eftir erfitt gengi undanfarið.
,,Við náðum ekki að skora og náðum ekki að brjóta þá á bak aftur. Þeir börðust eins og brjálæðingar allan leikinn og lokuðu svæðunum mjög vel,“ sagði Sigurbjörn.
,,Við hefðum getað gert betur, það er ljóst, við skoruðum ekki mark. Þetta er bara svona, þetta er bara þannig dagur, það vantaði herslumuninn.“
,,Þeir eru að berjast fyrir lífi sínu og hlupu, hlupu og hlupu en mér fannst við ekki hlaupa minna en þeir. Þetta var bara spurning um smá killer instinct á sóknar þriðjungnum.“