Kristján Guðmundsson, þjálfari ÍBV, var mjög sáttur með sína menn í dag eftir 2-1 sigur á KA í 14. umferð sumarsins.
,,Við spiluðum mjög góðan leik, bæði varnarlega og sóknarlega sem skóp þennan sigur,“ sagði Kristján.
,,Ég get ekki verið annað en ánægður með liðið. Það tók smá tíma að klára færin en við fengum þau snemma og áttum skot á markið snemma sem skipti miklu máli.“
,,Við náðum einhvern veginn að vera með tök á leiknum allan tímann og héldum þeim vel frá teignum okkar í seinni hálfleik og þokkalega í fyrri hálfleik.“
,,Það er gríðarlega mikilvægt að skora svona snemma eftir hálfleikinn og fara meira í það sem við ætluðum að gera, spila boltanum hraðar en í fyrri hálfleik.“
,,Við skulum ekkert vera að tala um eitthvað skrið. Við reynum að sækja stig í hvert skipti sem við spilum en fyrst og fremst viljum við fá stig hérna heima.“