Michael Carrick hefur lagt skóna á hilluna og starfar nú í þjálfarateymi Manchester United eftir farsælan feril hjá félaginu.
Andreas Pereira, leikmaður United, er mjög hrifinn af Carrick sem þjálfara og segist vera að læra mikið af fyrrum miðjumanninum.
Pereira hefur ekki fengið mörg tækifæri með aðalliði United en hann gæti fengið sénsinn á næstu leiktíð.
,,Carrick hjálpar mér mikið á hverri æfingu og það er mikilvægt fyrir mig. Ekki bara hann heldur allir hinir þjálfararnir,“ sagði Pereira.
,,Þeir eru að hjálpa mér mikið og ég læri eitthvað nýtt á hverjum degi. Michael var einn besti miðjumaður heims og einn sá besti sem hefur spilað með United.“
,,Hann gefur mér góð ráð og segir mér hvað ég á að gera, það er mjög auðvelt að hlusta á hann. Þú lærir strax af honum og það er auðvelt að læra af honum.“