Markvörðurinn Pepe Reina hefur skrifað undir samning við lið AC Milan á Ítalíu en þetta var staðfest í dag.
Reina kemur til Milan á frjálsri sölu en hann hefur undanfarin ár leikið með Napoli og verið aðalmarkvörður liðsins.
Reina er 35 ára gamall í dag en hann lék lengi með Liverpool á Englandi áður en hann samdi við Bayern Munchen árið 2014 þar sem hann stoppaði í eitt ár.
Sögusagnir eru nú um að Reina taki við af Gianluigi Donnarumma hjá Milan sem er orðaður við bæði Chelsea og Real Madrid.
Reina gerir þriggja ára samning við Milan og er samningsbundinn til ársins 2021.