Naby Keita, nýr leikmaður Liverpool, segist þekkja vel til enska boltanns en hann mun reyna fyrir sér þar á næstu leiktíð.
Keita gekk í raðir Liverpool frá RB Leipzig í sumar en stuðningsmenn búast við miklu af miðjumanninum.
Keita segist enn vera að aðlagast enskum leikstíl en hann segir það að vinna boltann til baka í leikjum sé eitt það skemmtilegasta sem hann gerir.
,,Ég hef horft á mikið af enskum fótbolta og ég er að venjast líkamlegu hliðinni,“ sagði Keita.
,,Ég læri með því að spila æfingaleikina og vonandi kemst ég í takt við þetta. Að vinna boltann til baka er eitthvað sem ég elska að gera.“