Chelsea á Englandi er þessa stundina að vinna í því að tryggja sér sóknarmanninn Anthony Martial frá Manchester United.
The Times greinir frá þessu í dag en Martial vill sjálfur yfirgefa Old Trafford til að fá meiri spilatíma.
Frakkinn var í varahlutverki undir stjórn Jose Mourinho á síðustu leiktíð og hefur íhugað framtíð sína í sumar.
Chelsea gæti misst Eden Hazard til Real Madrid í sumar og gæti Martial tekið við af Belganum.
United vill þó fá í kringum 100 milljóni evra fyrir Martial en Chelsea hefur trú á að hann sé fáanlegur fyrir lægri upphæð.
