Baldur Sigurðsson, fyrirliði Stjörnunnar, viðurkennir að KR hafi átt sigurinn skilið er liðin mættust í Pepsi-deild karla í kvöld.

KR hafði betur með einu marki gegn engu en Óskar Örn Hauksson gerði eina mark leiksins í fyrri hálfleik.

,,Þetta er gríðarlegt svekkelsi að tapa svona. Fyrri hálfleikurinn var okkar versti hálfleikur í sumar,“ sagði Baldur við Stöð 2 Sport.

,,Það er jákvætt að við höfum rifið okkur upp í seinni hálfleik og þeir áttu fyrri og við seinni. Við vorum óheppnir að skora ekki úr einhverjum af þessum færum.“

,,Það er gríðarlagt svekkelsi að þetta hafi verið fyrsti leikurinn í sumar sem við skorum ekki í. Þetta gekk ekki upp og KR-ingar voru flottir.“

,,Þeir vinna okkur 1-0 og eiga þá sigurinn skilið. Við þurfum að skoða hvernig við vorum í fyrri hálfleik, við vorum lengi í gang og látum þetta ekki koma fyrir aftur.“