Liverpool á Englandi keypti markvörðinn Alisson á dögunum sem mun vera markvörður númer eitt á Anfield á næstu leiktíð.

Simon Mignolet, annar markvörður liðsins, er nú að reyna að komast burt samkvæmt umboðsmanni hans, Nico Vaesen.

Það er ekki mikill spilatími í boði fyrir Mignolet hjá Liverpool en hann var varamarkvörður fyrir Loris Karius stóran hluta síðasta tímabils.

,,Koma Alisson breytir ekki stöðu hans. Okkar markmið er að finna lausn svo að Simon geti spilað og koma Alisson breytir því ekki,“ sagði Vaesen.

,,Við vitum að leikmaður sem kostar 60-70 milljónir evra verður ekki á bekknum. Við erum að skoða stöðuna og leitum að lausn.“

,,Það eru nokkrir möguleikar í stöðunni og næstu dagar verða mikilvægir.“