Framherjinn Olivier Giroud gæti óvænt verið á förum frá liði Chelsea í sumarglugganum.

Virti ítalski blaðamaðurinn Gianluca Di Marzio greinir frá þessu í dag en Giroud er orðaður við brottför til Spánar.

Frakkinn kom til Chelsea í janúar frá Arsenal en það var Antonio Conte sem tryggði sér þjónustu leikmannsins.

Eftir komu Maurizio Sarri er framtíð Giroud í óvissu og er Atletico Madrid að skoða það að bjóða í framherjann.

Giroud spilaði 18 leiki fyrir Chelsea á síðustu leiktíð og skoraði fimm mörk en hann er ekki talinn henta leikstíl Sarri.

Atletico mun reyna að næla í leikmanninn á næstu vikum en hann er 31 árs gamall og hefur ekki spilað á Spáni á ferlinum.