Lið Billericay Town á Englandi var mikið í umræðunni í fyrra eftir að hafa samið við stór nöfn í ensku utandeildinni.
Billericay spilar nú í Vanarama National League North sem er sjötta efsta deild á Englandi en liðið tryggði sér sæti sitt þar á síðustu leiktíð.
Margar fyrrum stjörnur hafa spilað með liðinu en nefna má Jamie O’Hara, fyrrum leikmann Tottenham, Jermain Pennant og Paul Konchesky, fyrrum leikmenn Liverpool.
Ný stjarna er nú mætt í utandeildina en það er Jay Emmanuel-Thomas fyrrum vonarstjarna Arsenal.
Emmanuel-Thomas var talinn mikið efni á sínum tíma og spilaði alls fimm leiki fyrir aðallið Arsenal áður en hann var seldur til Ipswich árið 2011.
Framherjinn spilaði reglulega í Championship-deildinni en ferill hans hefur verið á hraðri niðurleið undanfarin ár.
Englendingurinn var samningsbundinn Queens Park Rangers þar sem hann fékk fá tækifæri en samningur hans rann út í sumar og leitar hann að nýju félagi.