Chris Kirkland, fyrrum markvörður Liverpool, hefur snúið aftur til félagsins eftir margra ára fjarveru.
Kirkland spilaði með Liverpool í fimm ár á sínum tíma en náði þó aðeins að leika 25 deildarleiki fyrir liðið.
Kirkland er 37 ára gamall í dag en hann ákvað að leggja skóna á hilluna fyrir tveimur árum síðan.
Kirkland var síðast hjá Bury eftir stutt stopp hjá Preston. Hann var aðalmarkvörður Wigan á sínum tíma og var þar í sex ár.
Kirkland hefur nú tekið að sér starf sem markmannsþjálfari kvennaliðs Liverpool og er því mættur aftur á Anfield.
Kirkland býr yfir mikilli reynslu en hann lék einnig landsleik fyrir England árið 2006.