Arsenal á Englandi hefur nú þegar tryggt sér markvörð í sumar en félagið keypti Bernd Leno frá Bayer Leverkusen.

Búist er við að Leno verðir markvörður númer eitt á Emirates og tekur hann við keflinu af Petr Cech sem gæti verið á förum annað.

Samkvæmt Marca er Arsenal þó á eftir öðrum markverði en það er svissnenski landsliðsmarkmaðurinn Yann Sommer.

Sommer er á mála hjá Borussia Monchengladbach í Þýskalandi en hann hefur nú hafið viðræður við enska félagið samkvæmt Marca.

Þessi 29 ára gamli markvörður hefur staðið sig með prýði í Þýskalandi en hann var áður á mála hjá FC Basel í heimalandinu.

Sommer hefur lengi verið aðalmarkvörður Sviss, Gladbach og Basel en ólíklegt er að hann sé á leið til Englands að sætta sig við bekkjarsetu.