Markvörðurinn Alisson skrifaði á dögunum undir samning við Liverpool á Englandi en hann kemur til liðsins frá Roma.

Alisson hefur undanfarin tvö ár spilað á Ítalíu en var fyrir það í heimalandinu, Brasilíu hjá Internacional.

Liverpool reyndi ítrekað að fá Alisson í sumar og náði loks að tryggja sér leikmanninn á 67 milljónir punda.

Eusebio Di Francesco, stjóri Roma, vonar innilega að Roma muni spila við Liverpool í Meistaradeildinni á næstu leiktíð.

,,Alisson? Ég vona að við mætum honum í Meistaradeildinni og höfum betur, eins og ég sagði honum þegar hann sagði bless,“ sagði Di Francesco.