Maurizio Sarri tók við liði Chelsea í sumar en hann tekur við sem aðalþjálfari liðsins af Antonio Conte.
Sarri er mjög athyglisverður karakter en hann er þekktur fyrir það að klæðast oft æfingagalla og tekur sér sígarettupásur í hálfleik.
Sarri komst upp með það hjá Napoli á Ítalíu en Roman Abramovich, eigandi Chelsea, vill sjá breytingar fyrir komandi tímabil.
Abramovich hefur skipað Sarri að hætta reykingunum og þarf Ítalinn þá að mæta í leiki í jakkafötum.
Sarri var með sérstakt herbergi í búningsklefa Napoli þar sem honum var leyft að reykja í hálfleik. Það sama verður ekki upp á teningnum á Englandi.