Vængmaðurinn Sofiane Boufal hefur gert samning við lið Celta Vigo í spænsku úrvalsdeildinni.
Boufal skrifar undir eins árs langan lánssamning á Spáni en hann hefur undanfarin tvö ár leikið með Southampton.
Boufal og Mark Hughes, stjóra Southampton, lenti saman á síðustu leiktíð og ljóst er að hann er ekki inni í myndinni þessa stundina.
Boufal á að baki 50 leiki með Southampton en hann lék fyrir það með Lille í frönsku úrvalsdeildinni.
Búist var við miklu af þessum 24 ára gamla leikmanni er hann kom fyrir tveimur árum en hann hefur ekki náð að standa undir væntingum á St. Mary’s.