Barcelona á Spáni ætlar sér að tryggja sér vængmanninn Willian sem spilar með Chelsea á Englandi.
Willian hefur verið á óskalista Barcelona í allt sumar en hann lék með Brasilíu á HM í Rússlandi.
Barcelona var nú að bjóða í þriðja sinn í leikmanninn en Sky Sports greinir frá þessum fregnum í kvöld.
Chelsea hefur nú þegar hafnað tveimur tilboðum spænska liðsins og segir Brassann ekki vera til sölu.
Þriðja boð Barcelona stendur í 55 milljónum punda og vonast félagið til að það verði nóg til að tryggja undirskrift vængmannsins.
