Real Madrid á Spáni þarf að bíða eftir Chelsea en enska liðið er nú að skoða sig um á leikmannamarkaðnum.

Real hefur reynt að fá markvörðinn Thibaut Courtois í allt sumar en Courtois vill sjálfur fara til Spánar.

Fjölskylda markvarðarins býr á Spáni eftir dvöl hans hjá Atletico Madrid þar sem hann spilaði í láni frá Chelsea.

Real mun ekki geta tryggt sér Courtois þar til Chelsea finnur arftaka hans en nokkrir leikmenn eru nefndir til sögunnar.

Chelsea mun ekki fá Alisson, aðalmarkvörð Brasilíu, en hann mun leika fyrir Liverpool á næstu leiktíð.

Chelsea er orðað við tvo markmenn þessa stundina en það eru þeir Petr Cech, fyrrum markvörður liðsins sem spilar fyrir Arsenal og Kasper Schmeichel, markvörður Leicester City.