Chelsea á Englandi er þessa dagana orðað við markvörðinn Petr Cech sem spilar með Arsenal.
Cech hefur undanfarin þrjú ár leikið með Arsenal en hann var fyrir það lengi aðalmarkvörður Chelsea.
Cech gæti verið á leið aftur á Stamford Bridge en umboðsmaður markvarðarins segir að engin tilboð hafi borist.
,,Það er alltaf mikið að gera í hverjum félagaskiptaglugga hjá Petr Cech,“ sagði umboðsmaðurinn.
,,Við erum þó bara að einbeita okkur að nýju tímabili með Arsenal, það eru engin tilboð á borðinu.“