Maurizio Sarri hefur verið ráðinn stjóri Chelsea á Englandi en það staðfesti félagið fyrir nokkrum dögum.
Sarri er ítalskur og hefur starfað í heimalandinu undanfarin ár en hann var síðast hjá Napoli.
Sarri hefur nú fengið nýjan aðstoðarþjálfara en það er Gianfranco Zola, landi hans frá Ítalíu.
Zola þekkir vel til á Stamford Bridge en hann lék þar sem leikmaður í sjö ár og er í guðatölu hjá stuðningsmönnum.
Zola hefur stýrt þónokkrum liðum í gegnum tíðina en hann var síðast hjá Birmingham City þar sem lítið gekk upp.
Þeir félagar munu nú starfa saman hjá Chelsea en Zola var kynntur til leiks í kvöld.