James Rodriguez fær ekki að snúa aftur til Real Madrid í sumarglugganum en hann er í láni hjá Bayern Munchen.
Rodriguez gerði tveggja ára lánssamning við Bayern fyrir síðustu leiktíð en er orðaður við endurkomu til Spánar eftir brottför Zinedine Zidane.
Niko Kovac, nýr stjóri Bayern, hefur þó ekki áhuga á að rifta lánssamningi leikmannsins.
,,Ég veit bara að við erum með hann á lánssamningi sem er enn í gangi,“ sagði Kovac.
,,Sá samningur mun aðeins enda ef við ákveðum að kaupa hann endanlega, annars ekki.“
,,Eins og staðan er núna er útlit fyrir það að hann verði hérna áfram. Það eru alltaf sögusagnir í gangi.“