FH 0-0 FC Lahti (3-0 samanlagt)
Lið FH er komið í næstu umferð Evrópudeildarinnar og mun þar spila við ísraelska félagið Hapoel Haifa.
Þetta varð ljóst í kvöld er FH gerði markalaust jafntefli við finnska liðið FC Lahti á Kaplakriksvelli.
FH vann fyrri leik liðanna sannfærandi í Finnlandi með þremur mörkum gegn engu og fór því samanlagt áfram, 3-0.
FH var líklegri aðilinn í leiknum í Hafnafirði í kvöld en tókst ekki að koma boltanum í netið.