Það eru ekki margir knattspyrnumenn sem hafa átt eins erfiðan feril og framherjinn Giuseppe Rossi.
Rossi er án félags í dag en hann spilaði síðast með Genoa á Ítalíu en sleit krossband á síðasta ári er hann var á láni hjá Celta Vigo.
Rossi hefur þurft að glíma við ótrúlegt magn af meiðslum á ferlinum og hefur farið í fjórar eða fimm hné aðgerðir.
Rossi er þó staðráðinn í því að halda áfram að reyna en hans síðasta heila tímabil var 2010/2011.
,,Þegar ég horfi til baka og hugsa um þetta þá verð ég pirraður, þetta fer í hringi í hausnum á þér,“ sagði Rossi.
,,Öll meiðslin eiga sína eigin sögu. Þau tóku eitthvað af mér. Hvort sem það sé HM, EM eða stór félagaskipti.“
,,Draumurinn er þó ekki á enda og hér er ég í dag og reyni að vinna til baka það sem ég hef misst.“
,,Fjórar, kannski fimm?“ svaraði Rossi svo er hann var spurður út í það hversu margar aðgerðir hann hefur farið í.