Markvörðurinn Alisson Becker er búinn í læknisskoðun hjá enska félaginu Liverpool. Sky Sports greinir frá.
Alisson lenti í Liverpool borg í dag en hann er á leið til Liverpool fyrir 67 milljónir punda.
Alisson verður dýrasti markvörður sögunnar en hann stóð sig mjög vel með liði Roma á síðustu leiktíð.
Brasilíumaðurinn hefur skrifað undir samning við Liverpool og er búinn í læknisskoðun samkvæmt nýjustu fregnum.
Alisson verður því markvörður númer eitt á Anfield á næstu leiktíð og tekur við af Loris Karius sem gæti verið á förum.
