Alex Oxlade-Chamberlain, leikmaður Liverpool, meiddist illa í apríl og missti í kjölfarið af HM með Englandi í sumar.
Oxlade-Chamberlain skaddaði nokkur liðbönd í hné í leik Liverpool í undanúrslitum Meistaradeildarinnar.
Oxlade-Chamberlain gekkst undir aðgerð um viku síðar en ekki var greint frá hversu lengi hann yrði frá til að byrja með.
Það hefur gengið erfiðlega fyrir vængmanninn að ná sér af meiðslunum og mun hann líklega ekkert spila á næstu leiktíð, Jurgen Klopp, stjóri Liverpool hefur staðfest þær fregnir.
Talað var um að Englendingurinn yrði frá þar til í nóvember á þessu ári en meiðslin munu halda honum mun lengur frá.
Oxlade-Chamberlain mun nýta tímabilið í að ná sér að fullu eftir þessi meiðsli og væri það algjör bónus ef hann kemur eitthvað við sögu á næstu leiktíð.
