Jose Mourinho, stjóri Manchester United, hélt blaðamannafund í dag í Bandaríkjunum þar sem United mun eyða undirbúningstímabilinu.
Mourinho ræddi á meðal annars um leikmannakaup en hann hefur fengið þrjá leikmenn til félagsins í sumar.
Mourinho fékk miðjumanninn Fred frá Shakhtar, bakvörðinn Diogo Dalot frá Porto og markvörðinn Lee Grant frá Stoke.
Mourinho segist þó ekki vita hvort liðið muni styrkja sig enn frekar á markaðnum í sumar.
,,Ég hef ekki hugmynd um það. Ég mun ekki ljúga að ykkur og segja að einhver sé að koma eða að enginn sé að koma,“ sagði Mourinho.