Aston Villa á Englandi er í miklum fjárhagsvandræðum og þarf liðið að selja leikmenn í sumar.

Hjá félaginu er íslenski landsliðsmaðurinn Birkir Bjarnason en hann kom til liðsins frá Basel í fyrra.

Birkir kom reglulega við sögu hjá Villa á síðustu leiktíð en gæti samt sem áður farið annað á næstu vikum.

Birkir er til sölu samkvæmt the Mirror í kvöld en Villa þarf að selja til að forðast gjaldþrot.

Leikmenn á borð við Mile Jedinak og Henri Lansbury eru einnig til sölu en þeir eru á háum launum hjá félaginu.

Það verður fróðlegt að fylgjast með gangi mála hjá Birki í sumar en hann spilaði með íslenska landsliðinu á HM.