Markvörðurinn Alisson hefur samþykkt að skrifa undir fimm ára samning við Liverpool á Englandi.
Margir virtir blaðamenn greina frá þessu í dag en Alisson mun kosta Liverpool 67 milljónir punda frá Roma.
Alisson á aðeins eftir að fljúga á Anfield og mun gangast undir læknisskoðun hjá félaginu.
Brasilíumaðurinn mun taka við af Loris Karius sem aðalmarkvörður Liverpool en Karius virðist ekki eiga framtíð fyrir sér hjá félaginu.
Talið er að kaupin verði klár fyrir helgina og verður Brassinn kynntur til leiks á næstu dögum.