Kylian Mbappe, leikmaður Paris Saint-Germain, hefur útilkokað það að hann sé á förum frá félaginu í sumar.
Mbappe er einn eftirsóttasti biti heims en hann er 19 ára gamall og fagnaði sigri á HM með Frökkum í gær.
Mbappe var í engu varahlutverki á mótinu en hann var lykilmaður Frakklands og er það einnig hjá PSG.
,,Ég verð áfram hjá PSG og held áfram á minni leið með þeim. Ég er að byrja ferilinn,“ sagði Mbappe.
Real Madrid hefur verið orðað við strákinn en Eden Hazard er líklega sá sem mun taka við af Cristiano Ronaldo.
Neymar, Mbappe og Hazard voru á óskalista Real en nú er það á hreinu að Neymar og Mbappe verða um kyrrt í París.