Gianluigi Buffon spilaði í gær sinn fyrsta leik fyrir Paris Saint-Germain í Frakklandi.
Buffon gerði samning við PSG á dögunum en hann kemur til liðsins á frjálsri sölu eftir langa dvöl hjá Juventus.
Það má segja að Buffon hafi ekki byrjað vel en PSG tapaði 4-2 gegn liðið Chambly sem spilar í þriðju efstu deild.
Buffon gaf vítaspyrnu í byrjun leiks en hann spilaði allan fyrri hálfleikinn sem Chambly hafði betur í, 2-0.
Nokkrir þekktir leikmenn spiluðu í tapi PSG en nefna má leikmenn á borð við Adrien Rabiot og Jese Rodriguez.
Helstu stjörnur PSG voru þó ekki með í leik gærdagsins en margir eru í fríi eða að jafna sig eftir HM í Rússlandi.