Það voru fleiri lið en Juventus sem vildu fá Cristiano Ronaldo í sumar en hann yfirgaf Real Madrid.
Aurelio De Laurentiis, forseti Napoli, segir að félagið hafi skoðað málið er ljóst var að Ronaldo væri á förum.
De Laurentiis ræddi við umboðsmann Ronaldo en það varð strax ljóst að félagið hefði ekki efni á Portúgalanum.
,,Napoli var einnig boðið að kaupa Ronaldo,“ sagði De Laurentiis í samtali við La Gazzetta dello Sport.
,,Ég hringdi í umboðsmann hans, Jorge Mendes. Þessar 350 milljónir evra sem Juventus mun fjárfesta í honum er ekki mögulegt fyrir okkur.“
,,Ef við hefðum haldið áfram að reyna þá hefðum við getað gert félagið gjaldþrota.“
