Valsmenn höfðu að lokum betur 3-1 í nokkuð fjörugum leik og eru nú með eins stigs forystu á toppnum.
Hér má sjá það góða og slæma úr leiknum.
Plúsar:
Þrátt fyrir tap hjá KA í dag eru klár batamerki á liðinu, áttu fullt af flottum köflum í leiknum og voru óheppnir að jafna ekki undir lokin.
Valsarar voru frábærir varnarlega í dag fyrir utan þessi einu mistök þegar KA skorar, 4 manna varnarlína virðist klárlega vera málið á Hlíðarenda í dag.
Guðjón Pétur Lýðsson og Kristinn Freyr Sigurðsson sýndu það í dag að þeir geta báðir verið inni á vellinum á sama tíma og spilað vel saman.
Mínusar:
KA menn gerðu sig seka um ansi slæm mistök eftir aðeins fjögurra mínútna leik, rosalega barnalegur varnarleikur sem á ekki að sjást í efstu deild á Íslandi.
Cristian Martinez verður að fara að stíga upp, átti að gera betur í 2 marki Valsara og heilty yfir var hann mjög óöruggur í sínum aðgerðum. Áhyggjuefni fyrir KA menn.