Valur 3-1 KA
1-0 Kristinn Freyr Sigurðsson(4′)
1-1 Aleksandar Trninic(34′)
2-1 Guðjón Pétur Lýðsson(45′)
3-1 Ólafur Karl Finsen(90′)
Valur er komið á toppinn í Pepsi-deild karla en liðið mætti KA í áttundu umferð sumarsins í kvöld.
Valsmenn komust yfir í leik kvöldsins strax í byrjun en Kristinn Freyr Sigurðsson kom boltanum í netið eftir fjórar mínútur.
Á 34. mínútu jöfnuðu KA-menn metin er Aleksandar Trninic skallaði knöttinn í markið eftir hornspyrnu.
Það var svo Guðjón Pétur Lýðsson sem kom Íslandsmeisturunum yfir með skoti af 30 metra færi sem fór í stöng og inn.
Ólafur Karl Finsen nýtti aftur tækifæri sitt í kvöld og innsiglaði svo 3-1 sigur Vals undir lokin.
Valsmenn eru nú með eins stigs forskot á toppnum en FH getur breytt því á morgun er liðið mætir KR.