Breiðablik í Pepsi-deild karla hefur komist að samkomulagi við Brentford sem hefur keypt markvörðinn Patrik Sigurð Gunnarsson.
Blikar greina frá þessu í dag en Patrik hefur krotað undir samning við Brentford sem leikur í næst efstu deild á Emnglandi.
Patrik er gríðarlega efnilegur leikmaður en hann er fæddur árið 2000 og hefur verið partur af meistaraflokshóp Blika.
Markvörðurinn ungi var lánaður til ÍR í Inkasso-deildinni í sumar og spilaði alls átta leiki fyrir félagið.
Patrik á að baki leiki fyrir U17 og U18 landslið Íslands en hann er uppalinn hjá Blikum.
