Guðlaugur Baldursson, þjálfari Keflavíkur, gat ekki verið annað en sáttur með sína menn í kvöld eftir 2-2 jafntefli við FH.
Keflvíkingar komust tvisvar yfir í leik kvöldsins og voru ekki langt frá því að ná í fyrsta sigur sumarsins.
,,Auðvitað getum við ekki verið annað en sáttir með að fara með eitt stig af þessum velli en okkur fannst vera stutt í það að við gætum farið með þrjú stig heim,“ sagði Laugi.
,,Okkur gekk vel í fyrri hálfleik, það gekk vel það sem við ætluðum okkur að gera og við vorum hættulegir og vörðumst vel. Seinni hálfleikur var ekki eins góður.“
,,Okkur langar ofboðslega í sigurinn en þegar hann næst ekki þá er andleg vinna hjá okkur að halda áfram.“