Íslendingar eru mjög heppnir að hafa Aron Einar Gunnarsson í sínum röðum en það geta flestir verið sammála um.
Aron hefur reynst íslenska karlalandsliðinu frábær og fór með liðinu á EM í Frakklandi og svo HM í Rússlandi.
Aron er einn allra mikilvægasti leikmaður liðsins og er frábær leiðtogi bæði innan sem utan vallar.
Benedikt Guðmundsson, körfuboltaþjálfari, setti inn færslu á Twitter í gær þar sem hann ræddi um Aron.
Benedikt er á því máli að Aron sé besti fyrirliði knattspyrnuheimsins og eru margir sem tóku undir þau orð.
Við getum öll líklega tekið undir þessi orð enda um æðislegan karakter að ræða.
Ég ætla að leyfa mér að fullyrða að Aron Einar Gunnarsson sé besti fyrirliðinn í knattspyrnuheiminum. Hugsanlega er einhver sem er álíka góður en það er útilokað að einhver önnur þjóð eigi betri fyrirliða en Ísland. #fotbolti #Ísland #HmRuv #FyrirÍsland
— Benedikt Guðmundsson (@BenediktGumund1) 26 June 2018