Zlatko Dalic þjálfari Króatíu krefst þess af sínu liði að það fari með sigur af hólmi gegn Íslandi.

Dalic mun hvíla nokkra leikmenn vegna þess að Króatía er nánast búið að vinna riðilinn.

,,Við undirbúum okkur eins og fyrir síðustu tvo leiki, við komum hingað til að vinna Ísland. Halda okkur í efsta sæti, við höfum lagt mikið á okkur til að ná að vinna riðilinn. Mér er sama hvað aðrir segja, hvort við hvílum eða hvað,“ sagði Dalic.

,,Við erum með okkar leistíl og notum hann, við vitum allt um Ísland og þeir vita allt um okkur. Við vitum hvað við getum, við verðum að verjast föstum leikatriðum. Við notum okkar stíl með boltann, það er það sem við verðum að gera.“

,,Ég segi byrjunarliðið á fundi á morgun, ég er samt með það í hausnum. Það er ekki fallegt að kalla aðra leikmenn, varalið. Við erum hópur, allir leikmenn vilja sanna sig. Við ætlum að vinna á morgun.“