Mohamed Salah, leikmaður Egyptalands, hefur beðið stuðningsmenn landsliðsins afsökunar á frammistöðu liðsins á HM.
Salah og félagar eru úr leik á HM en liðið klárar riðlakeppnina án stiga eftir tap gegn Sádí Arabíu í dag.
Salah er súr yfir gengi liðsins á mótinu en lofar því að liðið komi sterkara til leiks eftir fjögur ár.
,,Við viljum biðja þá sem komu hingað til að styðja okkur í þessum þremur leikjum afsökunar. Þetta er erfitt fyrir þá rétt eins og okkur,“ sagði Salah.
,,Egyptaland var að komast á HM í fyrsta sinn í 28 ár og sumir leikmenn hérna eru ekki með reynsluna. Við munum snúa aftur árið 2022.“