Senegal 2-2 Japan
1-0 Sadio Mane(11′)
1-1 Takashi Inui(34′)
2-1 Moussa Wague(71′)
2-2 Keisuke Honda(78′)
Það fór fram virkilega skemmtilegur leikur á HM í Rússlandi í dag er Senegal og Japan áttust við.
Leiknum lauk með 2-2 jafntefli en það var boðið upp á mikið fjör enda bæði lið sem stefna á 16-liða úrslitin.
Senegal komst yfir snemma leiks með marki frá Sadio Mane áður en Takashi Inui jafnaði fyrir Japana.
Moussa Wague kom Senegal svo aftur yfir í síðari hálfleik og virtist liðið með góð tök á leiknum.
Það var hins vegar reynsluboltinn Keisuke Honda sem tryggði Japönum stig stuttu seinna en hann hafði komið inná sem varamaður.
Bæði lið eru nú með fjögur stig í sínum riðli en Pólland og Kólumbía mætast klukkan 18:00. Þau eru bæði án stiga.