Hernan Gomez, þjálfari Panama, segir að sínir menn hafi verið hræddir í hálfleik í dag er liðið mætti Englandi.
England burstaði Panama í riðlakeppninni en liðið skoraði heil fimm mörk í fyrri hálfleik og vann að lokum 6-1.
,,Við hefðum getað tapað með meiri mun. Við hefðum í alvöru getað fengið á okkur fleiri mörk,“ sagði Gomez.
,,Við reyndum að spila gegn Englandi en það er gríðarlegur munur á þessum tveimur liðum.“
,,Við vildum enda fyrri hálfleikinn án þess að fá á okkur mark en hefðum verið ánægðir í stöðunni 1-1.“
,,Við vorum frekar hræddir í hálfleik, gæðamunurinn var rosalegur og líka gegn Belgíu.“