Hörður Snævar Jónsson skrifar frá Rússlandi:
Vedran Corluka einn af reyndari leikmönnum Króata vonar að liðið haldi haus á Heimsmeistaramótinu í Rússlandi. Liðið mætir Íslandi á þriðjudag.
Króatar voru í sömu stöðu á EM í Frakklandi fyrir tveimur árum, byrjuðu mótið frábærlega og margir töldu að liðið gæti unnið mótið.
Króatar duttu svo úr leik í 16 liða úrslitum gegn Portúgal. ,,Ekki trufla okkur of mikið, við vorum í sömu stöðu eftir sigur á Spáni árið 2016,“ sagði Corluka í gær en liðið pakkaði Argentínu saman í síðast aleik.
,,Við vitum að við erum óútreiknanlegir, við vitum að okkar slökustu frammistöður hafa komið þegar við viljum það ekki.“
,,Við verðum að halda jafnvægi, við fögnuðum ekki mikið eftir sigurinn á Argentínu. Einbeiting okkar fór strax á leikinn við Ísland, við erum klárir í þann slag.“
Búist er við því að að Króatar hvíli lykilmenn gegn Íslandi enda liðið komið áfram.