Eden Hazard, fyrirliði Belgíu, sér ekki eftir því að hafa gagnrýnt Romelu Lukaku eftir 5-2 sigur á Túnis í gær.
Hazard sagði að Lukaku hafi verið að ‘fela’ sig í fyrri hálfleik þó að framherjinn hafi skorað tvö mörk.
,,Sem fyrirliði liðsins, og jafnvel ekki sem fyrirliði liðsins þá má ég tjá mig,“ sagði Hazard við Standard Sport.
,,Ég reyni að gera mitt besta og ef ég get hjálpað öðrum leikmönnum að verða betri þá geri ég það.“
,,Ég sagði bara Romelu að við þyrftum á honum að halda ef við vildum vinna leikinn. Ekki bara til að skora mörk, hann þurfti að hjálpa að byggja upp spilið.“
,,Við ræddum málin bara á rólegu nótunum og unnum leikinn svo í lokin þá var þetta í lagi.“