Juan Sebastian Veron, fyrrum miðjumaður Argentínu, spyr sig hvað sé í gangi hjá besta leikmanni liðsins í dag, Lionel Messi.
Messi hefur ekki átt gott HM í Rússlandi en hann á eftir að skora og klikkaði á meðal annars á vítaspyrnu gegn Íslandi.
,,Ég vona innilega að þeir komist áfram en það verður ekki auðvelt verkefni,“ sagði Veron við RMC Sport.
,,Hvað gerðist hjá Messi? Hann einn veit það. Ég vona að hann geti dregið liðið áfram og að þeir hjálpi honum.“
,,Það er ekki bara einn leikmaður sem getur ráðið örlögum liðsins.“
