Jamie Redknapp, sparkspekingur, segir að króatíska landsliðið eigi besta miðjumann heims í dag.
Redknapp ræðir þar um Luka Modric sem hefur verið frábær fyrir Króatíu á HM í Rússlandi.
Modric gæti mætt Íslandi á þriðjudaginn í lokaleik riðlakeppninnar en einnig er möguleiki á að hann verði hvíldur.
,,Hversu langt Króatar eiga eftir að komast eigum við eftir að sjá en við höfum séð hversu góður Modric er,“ sagði Redknapp.
,,Hann og liðsfélagi hans hjá Real Madrid, Cristiano Ronaldo, koma strax til greina sem leikmenn mótsins.“
,,Modric hefur verið upp á sitt besta í mörg ár og akkúrat þessa stundina er hann besti miðjumaður heims.“