Romelu Lukaku átti frábæran leik fyrir Belgíu í dag er liðið mætti Túnis í riðlakeppni HM.

Lukaku hefur byrjað HM gríðarlega vel en hann skoraði tvennu í fyrsta leik liðsins gegn Panama.

Lukaku skoraði svo einnig tvö mörk í dag og er nú með fjögur mörk eftir tvo leiki, rétt eins og Cristiano Ronaldo hjá Portúgal.

Lukaku hefur skorað tvær tvennur í aðeins tveimur leikjum sem gerist mjög sjaldan á HM.

Sá síðasti til að afreka það var Diego Maradona en hann gerði tvö gegn Englandi og svo tvö gegn Belgíu á HM 1986.

Lukaku elskar að skora fyrir landsliðið en hann er með 17 mörk í síðustu 11 landsleikjum sínum.