Bryan Robson, goðsögn Manchester United, hafði ekki mikla trí á Jesse Lingard er hann var að hefja ferilinn hjá félaginu.
Lingard hefur bætt sig mikið undanfarin ár en framtíð hans hjá United var lengi talin vera í óvissu.
Robson var ekki of hrifinn af Lingard er hann var yngri en í dag spilar hann með enska landsliðinu á HM.
,,Þegar ég sá Jesse Lingard í fyrsta skiptið var ég viss um að hann myndi aldrei ná árangri hjá Manchester United,“ sagði Robson.
,,Hann var lítill og léttur og sýndi mér ekki nóg til að halda því fram að hann yrði meira en bara hópleikmaður. Hann á svo mikið hrós skilið fyrir að sanna að ég hafði rangt fyrir mér.“
,,Þessi strákur lagði svo hart að sér til að bæta sig og hann er fyrirmynd fyrir alla unga leikmenn sem efast um hvort þeir muni komast á þennan stað.“