Lið á HM í Rússlandi elska að skora mörk og vilja frekar gera það en að halda hreinu virðist vera.
28 leikir eru búnir í keppninni í sumar og höfum við enn ekki fengið markalaust jafntefli.
Áhorfendur hafa gaman af því að sjá mörk og hafa ekki orðið fyrir neinum vonbrigðum á leikjunum til þessa.
Það var boðið upp á markaveislu fyrr í dag er Belgía og Túnis mættu en þar voru heil sjö mörk skoruð.
Það væri magnað ef liðin ná að klára riðlakeppni mótsins án þess að bjóða upp á markalaust jafntefli.