Belgía 5-2 Túnis
1-0 Eden Hazard(víti, 6′)
2-0 Romelu Lukaku(16′)
2-1 Dylan Bronn(18′)
3-1 Romelu Lukaku(45′)
4-1 Eden Hazard(51′)
5-1 Michy Batshuayi(90′)
5-2 Wahbi Khazri(93′)
Belgía er nánast búið að tryggja sér sæti í 16-liða úrslitum eftir leik við Túnis í riðlakeppni HM í dag.
Leikur dagsins var fjörugur en sjö mörk voru skoruð og voru það Belgar sem gerðu fimm af þeim.
Eden Hazard, leikmaður Chelsea, gerði tvö mörk fyrir Belga en fyrra mark hans kom úr vítaspyrnu.
Framherji Manchester United, Romelu Lukaku, átti þá einnig glimrandi leik og gerði hann einnig tvö mörk í öruggum sigri Belgana.
Það var svo Michy Batshuayi sem skoraði fimmta mark Belga undir lokin en hann hafði áður komið inná sem varamaður.